هەجوەكانی من و حەسەن دانشفەر
دوو مانگ بوو لە رۆژنامەی هەولێر مووچەیان نەدابوومێ،
بۆیە حەسەن دانشفەرم ئاگادار كردەوە كە نێوبژیوانییەك
بكات. ئاخر زۆری رێز دەگرن و قسەی دەڕوا. ئەمن بۆیم
نووسی و ئەویش وەڵامی دامەوە:
من:
مەپرسە چۆنە ئەحواڵم نەباشم
لە دوو مانگ تێپەڕی نەدرا مەعاشم
حەقی ئاو و كرێی خانووم نەداوە
لە ژێر قەرزا تەواو پشتم چەماوە
هەجو نووسین گرانە خەرج و باجی
دەزانم تۆش دەفەرمووی بە گونی حاجی
***
وەڵام:
گونی حاجی گەلێ سەرقاڵە قوربان
ئەگەرچی سەرخڕە و گۆپاڵە قۆربان
مەعاش دەدرێت و دەبتە جەژن و شادی
ئەگەر نەدرا بە كیری كاك جەوادی (سەرنووسەر)
***
من:
ئەگەرچی خۆم بزۆز و دەم هەراشم
لە هاڕیندا وەكوو بەرداشی ئاشم
گونی تۆم بۆیە كردە نێو بژیوان
لە ترسی وی نەبێ نایدەن مەعاشم
***
ج:
بەراستی كاكە زانا و پێگەیشتووی
بە پیاو ماقووڵ لە گونمان تێ گەیشتووی
***
من:
وەكوو زنجیر لە دەست و پێی ئەسیرێ
بە راستی گون بەڵایە بۆ فەقیرێ
ئەوە چیت كردووە حاجی لە هەولێر
گونت وەك بەرپرس رێزی دەگیرێ
